माहूर तालुक्यातील 19 ग्रामपंचायतींच्या सरपंच पदाचे आरक्षण जाहीर

माहूर तालुक्यातील 19 ग्रामपंचायतींच्या सरपंच पदाचे आरक्षण जाहीर

नागरिकांचा मागास प्रवर्ग, महिला आणि सर्वसाधारण प्रवर्गासाठी आरक्षण; ईश्वर चिठ्ठीद्वारे सोडत

श्रीक्षेत्र माहूर ता. प्र. / संजय वडस्कर 

माहूर तालुक्यातील 19 ग्रामपंचायतींच्या सरपंच पदासाठी सन 2025-2030 या कालावधीचे आरक्षण मंगळवारी, दि. 22 सप्टेंबर रोजी जाहीर करण्यात आले. तहसील कार्यालयातील वसंतराव नाईक सभागृहात दुपारी 3 वाजता आरक्षणाची सोडत प्रक्रिया पार पडली.

उपविभागीय अधिकारी तथा सहाय्यक जिल्हाधिकारी बी. सरवरण यांच्या अध्यक्षतेखाली झालेल्या या प्रक्रियेस तहसीलदार अभिजित जगताप आणि नायब तहसीलदार कैलास जेठे यांची प्रमुख उपस्थिती होती. यावेळी वसंतराव त्रिग्वेदा लाडे या पाच वर्षीय चिमुकलीच्या हस्ते ईश्वर चिठ्ठीद्वारे आरक्षणाची सोडत काढण्यात आली.

कोणत्या ग्रामपंचायतीला कोणते आरक्षण?

अधिकृत आरक्षण यादीप्रमाणे—

अ.क्र. ग्रामपंचायत सरपंच पदाचे आरक्षण

1 शे. फ. वजरा नागरिकांचा मागास प्रवर्ग महिला

2 गुंडवळ नागरिकांचा मागास प्रवर्ग महिला

3 दत्तमांजरी नागरिकांचा मागास प्रवर्ग महिला

4 मांडवा नागरिकांचा मागास प्रवर्ग

5 शेकापूर नागरिकांचा मागास प्रवर्ग

6 आसोली सर्वसाधारण महिला

7 लांजी सर्वसाधारण महिला

8 लखमापूर सर्वसाधारण महिला

9 कुपटी सर्वसाधारण महिला

10 लिंबायत सर्वसाधारण महिला

11 बोरवाडी सर्वसाधारण महिला

12 हडसणी सर्वसाधारण महिला

13 पवनाळा सर्वसाधारण

14 पापलवाडी सर्वसाधारण

15 अनमाळ सर्वसाधारण

16 तांदळा सर्वसाधारण

17 रुई सर्वसाधारण

18 मालवाडा सर्वसाधारण

19 ईवळेश्वर सर्वसाधारण

या आरक्षण सोडतीमुळे तालुक्यातील संबंधित ग्रामपंचायतींमध्ये आगामी सरपंच पदासाठी इच्छुक उमेदवारांच्या हालचालींना वेग येण्याची शक्यता आहे.

आरक्षण सोडत प्रक्रियेस तालुक्यातील प्रतिष्ठित नागरिक, पत्रकार तसेच संबंधित अधिकारी-कर्मचारी उपस्थित होते. कार्यक्रमाच्या शेवटी तहसीलदार अभिजित जगताप यांनी उपस्थितांचे आभार मानले.

टीप: वरील ग्रामपंचायतींची नावे व आरक्षणाची माहिती दिलेल्या अधिकृत छायाचित्रातील यादीप्रमाणे मांडण्यात आली आहे.